ने. सं. ११४४ कछलागा द्वादशी -

नेपालगञ्जय् १६दँया मिजंयात कोरोनाय संक्रमण

येँ – नेपालगञ्जय् थौं न्हूम्ह छम्हेसित कोरोनाया संक्रमण खनेदुगु दु । भेरी अञ्चल अस्पतालय् याःगु परीक्षणय् नेपालगञ्जया १६दँया मिजंया संक्रमणया पुष्टि जूगु खः ।

आः तक नेपालय् १०२म्ह मनूत संक्रमित जुइधुंकूगु दु । उकी मध्ये ७४म्ह मिजं व २८म्ह मिसात खः । तत्काल ७२म्हेसिया थीथी अस्पतालय् वासः जुयाच्वंगु व मेपिं ल्वय् लनाः छेँय् लिहांवनेधुंकूगु दु । प्रदेश १य् ३१म्ह, प्रदेश २लय् ३०म्ह व बागमति प्रदेशय् ७म्हेसित संक्रमण जुइधुकूगु दु । अथेहे गण्डकी प्रदेशय् २म्ह, प्रदेश ५य् २७म्ह व सूदुरपश्चिम प्रदेशय् ५म्हेसित काेराेनाया संक्रमण खनेदयेकुंधूगु दु ।