सिंहदरबार न्ह्यःने चिनियाँतय्सं अप्पां कयेकल

येँ– सिंहदरबारय् पाः च्वनाच्वंपिं सुरक्षाकर्मीयात अप्पां कयेकूपिं छथ्वः चिनियाँतय्त ज्वंगु दु । थुपिं चिनियाँतय्सं अप्पां कयेकूगुलिं सिंहदरबार प्रहरी वत्तया डिएसपी हरि बस्नेत नं घाःपाः जूगु दु ।

थःपिंत स्वदेश लित छ्वयेगु व्यवस्था यायेमाः धासें थुपिं सिंहदरबार घेरे यायेत वःगु खः । सिंहदरबारया भद्रकाली पाखेया न्ह्यःनेया गेटय् धर्ना च्वंवःपिं थुमिसं थःपिंत स्वदेश लित छ्वयेगु ज्याय् सुनां वास्ता मयाःगु धासें अप्पां कयेकेगु सुरु याःगु खः ।

अप्पां कयेकेवं ३२ म्ह चिनियाँतय्त ज्वनागु खँ प्रहरीं धाःगु दु । थुपिं मध्ये २१ म्ह मिजंत व ११ म्ह मिस्त दु । थुमित सिंहदरबार प्रहरी बृत्तय् तयातःगु दु ।