‘अमेरिकाय् नेवाः’या नीन्याक्वःगु अंक पूवन

येँ – नेवाः गतिविधियात अन्तर्राष्ट्रिय मिखां स्वयेगु ताः तयाः नेपालभाषा टाइम्स डट कमया छगू अंगया रूपय् न्ह्याका वयाच्वंगु अनलाइन ज्याझ्वः ‘अमेरिकाय् नेवाः’या नीन्याक्वःगु अंक म्हिगः पूवन । थ्व लसताय् म्हिगः जनकवि दुर्गालाल श्रेष्ठलिसे विशेष खँल्हाबल्हा लिसें वय्कःया कविता न्यनेगु ज्याझ्वः जूगु खः ।

ज्या विशेषया कारणं अमेरिका झाइपिं नेवाः व्यक्तित्वपिं लिसें अमेरिकाय् च्वनाः नेवाः समुदायया हित जुइगु थीथी ज्याखँ याना वयाच्वंपिं नेवाः लिसें गैर नेवाः व्यक्तित्वपिंलिसे खँल्हाबल्हा यानाः अमेरिकाय् हे च्वनाः थ्व ज्याझ्वः सञ्चालन जुया वयाच्वंगु खः ।

अमेरिकाया मेरिल्याण्डय् च्वनादीम्ह नेवाः अभियन्ता प्रविण ताम्राकारया नेतृत्वय् न्ह्यानाच्वंगु थ्व ज्याझ्वःयात नांजाःम्ह फोटोग्राफर राजीव श्रेष्ठ लिसें सञ्चारकर्मी अनिल रञ्जित व मार्केण्डेयमान प्रधानपिंसं प्राविधिक ग्वाहालि याना च्वनादीगु दु ।

लय् छक्वः वा निक्वः नियमित खँल्हाबल्हा यासें न्ह्यानाच्वंगु थ्व ज्याझ्वः अन्तर्गत आः तक नीन्याम्ह व्यक्तित्वपिनि बिचाः न्ह्यब्वयेधुंकूगु दु ।नीन्याम्हम्ह व्यक्तित्वया रूपय् जनकवि दुर्गालाल श्रेष्ठं थःगु बिचाः तयेगुया नापनापं कोरोना संक्रमण व थःगु अमेरिका भ्रमणया इलय् रचना यानादीगु कविता पाठ यानादीगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु