ने. सं. ११४६ बछलागा नवमी -

नेपालगञ्जय् ९म्हेसित कोरोनाया संक्रमण, संक्रमिततय् ल्याः ६९म्ह थ्यन

येँ – नेपालय् थौं छन्हुं हे १०म्हेसित कोरोनाया संक्रमण पुष्टि जूगु दु । नेपालगञ्जय् ९म्ह व वीरगञ्जय् छम्हसित संक्रमण जूगु पुष्टि स्वास्थ्य तथा जनसंख्या मन्त्रालयं याःगु दु । नेपालगञ्जय् ५म्ह मिजं व ४म्ह मिसायात कोरोनाया संक्रमण जूगु खः । मन्त्रालयया कथं संक्रमित जूपिं ७ निसें ५८दँ दुपिं खः ।

थ्वस्वयां न्ह्यः वीरगञ्जय्–३ छपकैया छेँ जुम्ह ३६दँया मिजंयात आइतवाः हे कोरोनाया संक्रमणया पुष्टि जूगु खः ।

थ्व नापं नेपालय् संक्रमिततय् ल्याः ६९म्ह थ्यंगु दु ।