नागढुंगाय् थनिंनिसें ‘डिस्इन्फेक्सन टनेल’

येँ – कोरोना भाइरस (कोभिड-१९)या संक्रमण नियन्त्रण यायेगु निंतिं येँ दुहांवइगु नागढुंगाय् थनिनिसें ‘डिस्इन्फेक्सन टनेल’ शुरु याःगु दु ।

सुन्दर यातायात प्रा. लि.पाखें निर्माण याःगु टनेलया शुक्रवाः सुथय् उल्लेज्या जूगु खः । आः नागढुंगा दुहांवइगु फुक्कं गाडी उगु टनेल जुयाः वयेमाः । टनेलय् कोरोना भाइरस नष्ट जुइगु वासः छ्वाकेगु ज्या याइ । वासः छ्वाकेधुंकूगु गाडीं भाइरस नियन्त्रणय् ग्वाहालि जुइगु विश्वास याःगु दु ।