राष्ट्रपतिपाखें निगूलिं अध्यादेश खारेज
येँ – राष्ट्रपति विद्यादेवी भण्डारीं सरकारं साेमवाः हःगु निगूलिं अध्यादेश खारेज यानादीगु दु । शुक्रवाः च्वंगु मन्त्रिपरिषदया सिफारिसय् राष्ट्रपति भण्डारीं संविधानया धारा ११४या उपधारा (२)या खण्ड (ख) बमाेजिम अध्यादेश खारेज यानादीगु खः । थ्व नापं निगूलिं अध्यादेश औपचारिक रुपं खारेज जूगु दु । सरकारं वैशाख ८ गते राजनीतिक दल विभाजन व संवैधानिक परिषद् सम्बन्धी निगू अध्यादेश हःगु खः । पार्टी दुने व पिनें अध्यादेशया व्यापक विराेध जुइवं सरकारं अध्यादेश लितकायेगु निर्णय याःगु खः ।
LEAVE YOUR COMMENTS