टेकुइ महानगरया कवाडी मिं नल

येँ – टेकुइ च्वंगु येँ महानगरपालिकाया कवाडी गोदाम मिं नःगु दु । म्हिगः न्हिनय् १२ बजे अन च्वंगु कवाडी गोदाम मिं नयाः कुँत्याः ब्वःगु खः । सर्गतय् कुँ त्याःत्याः थहां वनाच्वंगु खनेवं आपालं मनूतय्सं गनं तःधंगु मिं नल जुइमाः धकाः अनुमान याःगु खः ।

अन गोदाम मिं नयेवं टेकु, कालिमाटी लागाया मनूत मिं नःगु स्वयेत मुं वःगु खः । प्रहरीं निषेधाज्ञाया इलय् पिहां वःपिं मनूतय्त छेँय् छेँय् लित छ्वयाच्वंगु खः ।
उगु गोदामय् टेलिफोनया तार नं तयाःगु खः । मि स्यायेगु लागिं येँ नापं सशस्त्र प्रहरी व यलया दमकल समेत थ्यंकः वःगु खः । येँ मनपापाखें लँय् लँय् जफत याना यंकीगु सामानत फुक्क थ्वहे थासय् गोदाम यानाः तया तइगु खः । अन तार शर्ट जुयाः मिं नःगु अनुमान याःगु दु ।

सम्बन्धित बुखँ

LEAVE YOUR COMMENTS