अध्यादेश लित कायेत नेपाः पार्टीया माग

येँ – सकलें राजनीतिक पार्टीत छथाय् च्वनाः कोरोना भाइरस विरुद्ध ल्वायेमाःगु थौंया इलय् कर्पिनि पार्टी तछ्यायेगु नियतं सरकारं हःगु दल दर्ता सम्बन्धी अध्यादेश लित कायेत नेपाः राष्ट्रिय पार्टीं माग याःगु दु ।

नेपाः पार्टीया नायः डा. विजयप्रकाश सैंजुं थन जारी यानादीगु वक्तव्यय् थःगु स्वार्थ पूवंकेत कर्पिनि पार्टी तछ्यायेगु सरकारया नियत पूवंक हे अलोकतान्त्रिक ज्या धयातःगु दु । अथे हे संवैधानिक परिषद्पाखें याइगु छुं नं निर्णयय् विपक्षी दलया आवश्यकता मदु धकाः याःगु मेगु ऐन संशोधन नं पाय्छि मखु धासें थ्व निगुलिं अध्यादेश लित कायेत माःगु यानादीगु दु । यदि थ्व अध्यादेश लित मकाल धाःसा थुकिं पिकाइगु बांमलाःगु लिच्वःया भागिदार सरकार थः हे जुइगु ख्याच्वः नं वयकलं बियादीगु दु ।

लिसें वक्तव्यय् कोरोना भाइरस विरुद्ध ल्वायेगु ज्याय् संसारया छु छु देशं बांलाक ज्या याःगु खः वहे मोडेल नेपालय् नं छ्यलेगु लागिं सकलें दलतयत छथाय् तयाः सहलह यायेत नं नायः डा. सैंजुं इनाप यानादीगु दु ।

सम्बन्धित बुखँ

LEAVE YOUR COMMENTS