स्वन्तिलिपा ३ नं. प्रदेशया राजधानी क्वःछिइगु

येँ – स्वन्ति लिपा ३ नम्बर प्रदेशया राजधानी क्वःछीगु तयारी जुयाच्वंगु दु । स्वन्ति लिपा च्वनीगु प्रदेश संसदया बैठकय् राजधानीयात कयाः वारपारया अवस्था वइगु खँ सूत्रं धाःगु दु । तर पूर्वाधार विकास मन्त्री केशव स्थापितयात मुख्यमन्त्री वर्खास्त यायेधुंकाः राजधानी क्वःछिइगु खँय् नं समस्या धाःसा वयेफइगु खँ धाःगु दु ।

स्थापितया हे बलय् प्रदेशया राजधानी काभ्रेय् तयेगु कथं तयारी जुयाच्वंगु इलय् वय्कः हे बर्खास्त जूगु कारणं आः राजधानी मेथाय् लाः वनीगु सम्भावना नं ब्वलनाच्वंगु खँ धाःगु दु । मुख्यमन्त्री हेटौडाय् हे राजधानी दयेकेमाःगु पक्ष दुसा गुलिखे सांसदत धाःसा हेटौडाय् राजधानी तल धाःसा आपालं जनतायात समस्या जुइगु खँ धयाच्वंगु दु ।