धरानय् याःगु पिसिआर परीक्षणय् ३म्हेसित कोरोना खनेदत, संक्रमिततय् ल्याः ४५म्ह थ्यन

येँ – नेपालय् थप ३म्हेसित कोरोना भाइरसाया संक्रमण खनेदुगु पुष्टि जूगु दु ।

स्वास्थ्य तथा जनसंख्या मन्त्रालयं बिउगु जानकारी कथं धरानस्थित बीपी कोइराला स्वास्थ्य विज्ञान प्रतिष्ठानय् याःगु पिसिआर परीक्षणय् बुधवाः ३म्हेसिया रिपोर्ट पोजेटिभ वःगु खः । मन्त्रालयया प्रवक्ता डा. विकास देवकोटाया कथं संक्रमित २४, ६० व ७२दँया मिजंत खः । संक्रमिततय्त विराटनगर स्थित कोशी अस्पतालय् वासः याकेगु निंतिं यंकेत्यंगु जानारी नं वय्कलं बियादिल ।

थ्वनापं नेपालय् कोरोना भाइरसपाखे संक्रमिततय् ल्याः ४५म्ह थ्यंगु दुसा ७म्ह डिस्चार्ज जुइधुंकूगु दु ।