कात्तिक २५यात अनलाइन विक्री दिवसया रुपय् हनीगु

येँ –  विश्वय् थीथी दिवस हनेगु झ्वलय् आः अनलाइन विक्री दिवस नं हनीगु जूगु दु । आवंलि दँय्दसं नोभेम्बर ११ तारिख( कात्तिक २५)या न्हियात अनलाइन दिवसया रुपय् हनेत्यंगु खः । उकुन्हु विश्वय् दकलय् तःधंगु अनलाइन विक्री दिंया रुपय् हनेगु तयारी कथं वइगु नोभेम्बर ११ कुन्हु थ्व दिवस हनेगु तयारी जुयाच्वंगु दु ।

अनलाइन बजाःया क्षेत्रय् ज्या याना वयाच्वंगु दराजं मोबाइल एप्सपाखें अनलाइन विक्रीया बारे जानकारी बीगु ल्याखं ग्वसाः ग्वःगु छगू पत्रकार सम्मेलनय् उकिया जानकारी बिउगु खः ।अनलाइन दिवसकुन्हु प्यंगू लाख स्वयां अप्वःसिनं अनलाइनपाखें स्वापू तइगु व करिब छगू लाखं अनलाइनपाखें हे थःत आवश्यक जूगु हलंज्वलं न्याइगु अनुमान यानातःगु दु ।

दराज अनलाइनया प्रबन्धक राजीव अमात्यं अनलाइन दिवसया लसताय् उकुन्हु छन्हु ८० प्रतिशत तक सहुलियत बीगु जानकारी पत्रकार सम्मेलनय् बियादीगु दु ।सन् २००९ लय् अलीबाबा नांया कम्पनीपाखें न्हापांखुसी अनलाइन विक्री सेवा शुरु याःगु खः ।

सम्बन्धित बुखँ

LEAVE YOUR COMMENTS