पार्टी विभाजन सम्बन्धी अध्यादेश हयेगु सरकारया निर्णय
अध्यादेश नेकपा प्रति लक्षित मखु : प्रधामनत्री
येँ – सरकारं संसदीय दल वा केन्द्रीय समिति मध्ये छगूलि जक ४० प्रतिशत बहुमत दुसां पार्टी विभाजन यायेफइगु कथंया अध्यादेश हयेगु निर्णय याःगु दु ।
सोमवाः प्रधानमन्त्री निवास बालुवाटारय् च्वंगु मन्त्रीपरिषद्या मुँज्यां पार्टी विभाजन सम्बन्धी अध्यादेश हयेगु निर्णय याःगु खः । आःया प्रावधान कथं संसदीय दल व केन्द्रीय समिति निगूलिंया ४० प्रतिशत बहुमत दुसा जक पार्टी विभाजन यायेफइगु व्यवस्था दु ।
मुँज्याय् प्रधानमन्त्रीं थुगु प्रस्ताव तयेवं परराष्ट्रमन्त्री प्रदीप ज्ञवाली, कृषिमन्त्री धनश्याम भुषाल व उर्जामन्त्री वर्षमान पुनं आःया अवस्थाय् थज्याःगु प्रस्ताव हयेगु पाय्छि मजूगु धासें असहमति प्वंकूगु खः ।
गुगु अध्यायदेश थौं हे बालवाटरं राष्ट्रपति विद्यादेवी भण्डारी छ्वयेगु तयारी यानाच्वंगु दु ।
अध्यादेश नेकपा प्रति लक्षित मखु : प्रधामनत्री
प्रधानमन्त्री केपी शर्मा ओलीं पार्टी विभाजनया प्रस्ताव हयेगु झ्वलय् थ्व नेकपाया विभाजन प्रति लक्षित मजूगु खँ धयादीगु दु । स्रोतया कथं प्रधानमन्त्रीं नेकपा दुने छुं हे समस्या मदुगु व थ्व पार्टी पिने लक्षित जूगु टिप्पणी यानादीगु खः ।
उगु इलय् आपालं मन्त्रीतय्त तकं प्रधानमन्त्रीं थज्याःगु प्रस्ताव हयेत्यंगु बारे छुं जानकारी मदुगु खः ।
स्वनिगलं पिहांमवनेत प्रचण्डया निर्देशन
थुके नेकपाया अध्यक्ष पुष्पकमल दाहाल प्रचण्डं थःसतिपिं पार्टीया नेतातय्त स्वनिगलं पिहांमवनेथ निर्देशन बिउगु दु ।
प्रधामन्त्रीं मन्त्रीपरिषद्या मुँज्याय् पार्टी विभाजनया अध्यादेश हयेगु निर्णय यायेवं पूर्व माओवादी नेतात प्रचण्डयात नापलायेत वय्कःया छेँय् वंगु खः । उगु इलय् अध्यादेशया बारे सहलह जुयाच्वंगु धयादिसें स्वगिलं पिहांमवनेत निर्देशन बियादीगु खः ।
LEAVE YOUR COMMENTS