ने. सं. ११४६ अनलागा सप्तमी -

न्हय्गू संस्थापाखें शतक हिदाता कर्माचार्य सम्मान

येँ – स्वयंसेवी रक्तदाता समाजया केन्द्रीय नायः प्रेमसागर कर्माचार्ययात थीथी न्हय्गू संस्थां मंकाःकथं सम्मान याःगु दु । वंगु शनिवाः थनया कालिमातिइ थीथी न्हय्गू सामाजिक संघसंस्थां मंकाःकथं न्यागू किलो बुद्धमूर्ति लःल्हासें वय्कःयात सम्मान याःगु खः । आतक १५८ क्वः हिदान यानादीधुकूम्ह कर्माचार्ययात कीर्तिमानी हिदाता व विशिष्ट समाजसेवी उपाधिलिसें हनापौ लःल्हासें सम्मान याःगु खः ।

स्वयसेवी हिदान व हिदाता सम्मानकथं न्ह्याःगु उगु ज्याझ्वः रोटरी क्लब अफ बागमतिया मू ग्वसालय् नेपाल अर्बुद रोग निवारण संस्था येँ, रोटरी क्लब अफ बालाजु, महानगरीय प्रहरी वृत्त कालिमाति, ट्राफिक प्रहरी वृत्त कालिमाति, इनर ह्वील क्लब अफ बागमति, ज्ञानतीर्थ संरक्षण समाज लगायाया संस्थाया सह आयोजनाय् उगु ज्याझ्वः जूगु खः ।नेपाल अर्बुद रोग निवारण संस्था येँया सभापति अजयसिंह सुवालया सभापतित्वय् ज्याझ्वः जूगु खः ।