स्वास्थ्य मन्त्री ढकाल विरुद्ध अख्तियारय् उजुरी

येँ – कोरोना भाइरस रोकथामया निंतिं न्याःगु सामानय् अनियमितता जूगु धासें स्वास्थ्य तथा जनसंख्या मन्त्री भानुभक्त ढकाल विरुद्ध अख्तियार दुरुपयोग अनसन्धान आयोगय् उजुरी लाःगु दु ।

विवेकशील नेपाली नेता नापं बागमती प्रदेशया दुजः रमेश पौडेलं बजाः भाः स्वां अप्व पुला चीनं मेडिकल सामान न्याःगु धासें बुधवाः अख्तियारय् उजुरी तःगु खः । उगु उजुरी विश्व स्वास्थ्य संगठनं सिफारिस मयाःगु र्‍यापिड टेस्टिङ किट अप्व ध्यबाय् न्याःगु धासें छानबिनया माग याःगु दु । विवेकशीलं अख्तियारया वेबसाइट मार्फत उजुरी बिउगु खँ न्ह्यःथंगु दु ।