समस्या जूसा जनप्रतिनिधिपिंत स्वापू तयेत येँ मनपाया इनाप
येँ महानगरपालिकां कोरोना भाइरसया कारणं सरकारं याःगु लकडाउनयात सकस्यां पालना यायेत अपील याःगु दु । लिसें थ्व इलय् छुं नं समस्या वल धाःसा जनप्रतिनिधिपिंत स्वापू तयेत फोन नं. नं बिउगु दु ।
येँ महानगरपालिकां धाःगु दु– कोरोना संक्रमणया आशंका जुल धाःसा तत्काल अस्पतालतक यंकेगु व्यवस्थाका लागि येँ महानगरपालिकाया ग्वाहालिइ सञ्चालित नेपाल एम्बुलेन्स सेवा (१०२) यात जनशक्ति व स्वास्थ्य सामाग्रीसहित तयारी अवस्थाय् तयातःगु दु । कोरोना संक्रमणया आशंका जुल धाःसा येँ महानगरपालिकाया टोल फ्रि नम्बर ११८० स सुचं बी फइगु व्यवस्था नं यानातःगु दु ।
LEAVE YOUR COMMENTS