वीरगंजया व्यापारीयात कोरोना जूगु पुष्टि मजुल, लाइभ तथ्यांक पाखें प्लस १ चिइकल

येँ – वीरगन्जया छम्ह ब्यापारीयात कोरोना भाइरस खनेदुगु खँ अझं पुष्टि मजूनिगु खँ धाःगु दु । पटनाय् उपचार यानाच्वंम्ह उम्ह व्यापारीयाके कोरोनाया लक्षण खनेदुगु खःसां थप परीक्षणया निंतिं स्वाबया नमूना पुणे यंकातःगु खँ धाःगु दु । पटना मेडिकल कलेजं छन्हु निन्हु लिपा जक परीक्षणया रिपोर्ट वइगु खँ धाःगु दु ।

वय्कःयात कोरोना जूगु पुष्टि मजूनिसां वय्कःया छेँजःपिं धाःसा होशियारी नाला च्वंगु खँ धाःगु दु । पटनाय् उपचार यानाच्वम्ह उम्ह व्यापारीं छेँय् थःत कोरोना जूगु शंका याइगु खबर बीवं वीरगन्जया व्यापारीयात कोरोना जूगु धयागु खबर पिहां वःगु खः । वय्कःया किजां नं आःतक कारोना धकाः पुष्टि मजूनिगु व स्वाब थप परीक्षणया निंतिं पुणे यंकातःगु खँ धाःगु दु ।

वीरगन्जया व्यापारीयात कोरोना संक्रमण जूगु खबर पिहां वयेवं कोरोना संक्रमण सम्बन्धय् लाइभ तथ्यांक बिया वयाच्वंगु वर्डोमिटर्स डट इन्फों तकं नेपालय् कोरोना भाइरस संक्रमितया ल्याखय् प्लस १ क्यंगु खः । तर आः थुकी नं प्लस १ यात लिकायेधुंकूगु दु ।

वर्डोमिटर्सया लाइभ तथ्यांक कथं आइतवाः पौने १० बजे तक विश्वन्यंकं संक्रमित जूपिनि ल्याः ३ लाख १९ हजार ९७ थ्यनेधुंकूगु दुसा सीपिनि ल्याः १३ हजार ६९४ म्ह थ्यंगु दु ।

सम्बन्धित बुखँ

LEAVE YOUR COMMENTS