मनकामना केवुलकार नं बन्द

येँ- विश्वव्यापी न्यना वनाच्वंगु कोरोना भाइरसया कारणं नेपाःया चर्चित धार्मिक स्थल मनकामनाया केवुल कार नं कन्हय् निसें लागू जुइकथं चैत मसान्त तक बन्द याइगु जूगु दु । मनकामना दर्शन प्रालिया नायब महाप्रबन्धक डीएन कायस्थं केबुलकार बन्द जुइगु खँ कनादीगु खः । सरकारी उच्चस्तरीय समितिं भिडभाड मयायेत व आपाः मनू मुनिगु ज्याझ्वः मयाये निर्णय यायेधुंकाः जिल्ला प्रशासन ज्याकू चितवनं केबुलकार बन्द यायेत निर्देशन बीवं थःपिंसं केबुलकार बन्द यायेगु निर्णय यानागु खँ नं कायस्थ कनादीगु दु ।