ने. सं. ११४६ अनलाथ्व पुन्हि -

प्यक्वःगु ज्याःजंक्व

येँ – थनया नःघलय् च्वंम्ह मय्जु मिठाइदेवी राजभण्डारीया प्यक्वःगु ज्याःजंक्व वंगु वालय् जुल । सछि दँया उमेरय् जुइगु ज्याःजंक्व मयजु राजभण्डारी ९९ दँ ९ महिना गुन्हु दुकुन्हु वंगु असार ३ गते नःघलय् हे जूगु खः । वि.सं. १९७६ भदौ १८ कुन्हु वय्कः थनया भोताहिति त्वालय् जन्म जुयादीगु खः ।

वय्कः नेपालभाषा व खस नेपाली भाय्या आदिगायक सेतुराम प्रधानया म्ह्याय् खःसा नेपालभाषाया नांजाःम्ह कवयित्री नारायणदेवी श्रेष्ठया तता खः । थ्व उमेरय् नं आःतक थम्हं पुजा यायेगु, सुचुकुचु यायेगु नापं नसाज्वलं तकं ज्वरे यानाः नयेगु याना वयाच्वनादीगु दु ।