थिमिइ आइसोलेसन वार्ड

येँ – थन च्वंगु नेपाल कोरिया मैत्री अस्पतालय् आइसोलेसन वार्ड स्थापना याःगु दु। कोरोना भाइरस (कोभिड-१९)या संक्रमण विश्वन्यंकं न्यना वनाच्वंगु इलय् थुगु संक्रमणप्रति सचेत जुसें अस्पतालं उगु वार्ड स्थापना याःगु खः ।

मध्यपुर थिमि नगरपालिकाया प्रमुखलिसें अस्पताल संचालन समितिया अध्यक्ष मदनसुन्दर श्रेष्ठं नगरपालिकाया सक्रियताय् नगर दुने संचालन जुयाच्वंगु अस्पतालय् उगु वार्ड संचालन यानागु जानकारी बियादीगु दु ।

नेपालय् आतक कोरोना भाइरसया संक्रमण खने मदुनिगु तर विश्व स्वास्थ्य संगठनं नेपाः नं थ्व ल्वय्या उच्च जोखिमय् दुगु ख्याच्वः बिया हयेवं ल्वय् दुहां मयेमा धइगु ल्याखं सचेतना नालेगु झ्वलय् उगु वार्डया स्थापना यानागु वय्कलं कनादिल ।

लिसें अस्पतालय् वासःया अभाव जुइके मबीकथंया व्यवस्थापन नं यानागु वय्कलं जानकारी बियादीगु दु ।