
येँ – थौं होलि पुन्हि । मेमेबलय् जूसा थौंया न्हि तक थ्यनीबलय् स्वनिगलय् मनूत टीशर्ट वा कमिज छपाः फिनाः होलि म्हितः वयाच्वंगु दइ । तर थुगुसी धाःसा होलि पुन्हि तक नं मनूत स्वेटर-ज्याकेट फिनाः हे पिहां वयाच्वंगु खनेदु। थथे जूगुया कारण खः, स्वनिगलय् चिकुला अझं मफूनि ।
फागुन-चैत्रया महिना सामान्यतया चिकुला फुनाः ताल्ला क्यनीगु ई खः । तर थुगुसी धाःसा चिकुगु अझं ल्यनाच्वंगु दनिसा उकिया नापनापं बर्खां थें वा नं वयाच्वंगु दनि । उकिं थ्व मौसम वास्तवय् चिकुला खः लाकि बर्खा खः धकाः हे धाये मफुगु अवस्था वयाच्वंगु दु ।
वरिष्ठ मौसमविद् मणिरत्न शाक्यया कथं थौंकन्हय् स्वनिगलय् जुयाच्वंगु थज्याःगु मौसम नेपाः जक मखु दक्षिण एशियाया मेमेगु देशय् नं खने दयाच्वंगु दु। थ्व खास यानाः युरोपं वइगु पश्चिमी वायु अझं सक्रिय जुयाच्वंगु कारणं जुयाच्वंगु खः । पश्चिमं थीथी महासागर पार यानाः दक्षिण एशिया थ्यंकः वइगु थ्व फय् अझं न्ह्याना हे च्वंगु कारणं ई
फुइधुंकूसां नं वा वइगु व च्वापु गाइगु जुयाच्वंगु दु। अप्वः च्वापु गाःगु कारणं यानाः मौसम अझं ख्वाउँसे च्वंगु खँ वय्कलं कनादी ।
पश्चिमी वायुया सक्रियता अझं सक्रिय जुयाच्वंगु दनि । उकिं ख्वाउँगु अझं कायम हे जुयाच्वनीगु नं वय्कःया अनुमान दु। सामान्यतया फागुन फुनाः चैत्र शुरु जुइगु इलय् झीथाय् प्रि-मनसुन शुरु जुइ । अर्थात भचाभचा वा वयेगु शुरु जुइ । तर आः तक चिकुलां वइगु वा हे वयाच्वंगु कारणं चिकुला व बर्खाया दथुइ ल्यं दइगु वा-फय्या मौसम थुगुसी ‘गायब’ जुइगु सम्भावना जुयाच्वंगु दु । थुकियात वय्कलं गबलें गबलें जुइगु ‘बेमौसम’ धयादीगु दु ।
LEAVE YOUR COMMENTS