ने. सं. ११४३ चौलाथ्व पारू -

यलया पुलांम्ह मेयर बेखारत्न शाक्य मंत

यल- यल महानगर पालिकाया पुलांम्ह मेयर बेखारत्न शाक्य म्हिगः मंत । ८९ दँ दुम्ह वय्कः ताः ई न्ह्यवंनिसें उसाँय् मदयाः छेँय् हे वासः याका च्वनादीम्ह खः । नेपाली कांग्रेसपाखें निर्वाचित जुयाः यलया मेयर जुयादीम्ह वय्कः पुलांम्ह प्रजातन्त्र सेनानी संघया नायः खःसा नगरपालिका संघया नं पुलांम्ह अध्यक्ष खः । वय्कः यलया बुद्ध धर्मया ख्यलय् नं अतिकं सक्रियम्ह खः ।