देय् दबूया निगू नगर कमिटीया अधिवेशन

येँ- नेवाः देय् दबूया कावासोति व चौडन्डीगढ नगर कमिटीया न्हापांगु अधिवेशन जुल । देय् दबू कावासोति नगर कमिटीया न्हापांगु अधिवेशनं भुवराज श्रेष्ठया अध्यक्षताय् गुम्हेसिया नगर कार्य समिति गठन याःगु दु ।

अथे हे उदयपुरया बेलटारय् जूगु चौडन्डीगढ नगर कमिटीया न्हापांगु अधिवेशनं रमेश प्रधानया अध्यक्षाय् न्हूगु नगर कमिटी गठन याःगु दु । प्रधानया अध्यक्षताय् च्याम्हेसिया नगर कमिटी गठन याःगु खः ।

ज्याझ्वः नेवाः देय् दबूया केन्द्रीय उपाध्यक्ष कृष्ण उदासया प्रमुख आतिथ्यताय् जूगु खःसा विशेष पाहांकथं देय् दबूया प्रदेश नं. १ या सह इन्चार्ज इन्द्र श्रेष्ठ लगायतयापिं झायादीगु खः ।