मस्जिद व्यक्तिया नामय् दावी याःगुलिं विरोध

येँ – येँया लुँहितिइ च्वंगु मुस्मांतय्गु पुलांगु मस्जिदयात थःगु खः धकाः दावी याःगु खँयात कयाः नेवाः मुस्लिम समाजं विरोध याःगु दु । थुकिया विरोध यासें समाजं म्हिगः मुस्लिम आयोगया अध्यक्षयात ज्ञापन पौ समेत बिउगु दु ।

आयोगया अध्यक्ष समिम मिया अन्सारीयात नेवाः मुस्लिम समाज लगायत सुन्धारा मस्जिद व्यवस्थापन समितिया पदााधिकारीतय्सं विरोधपत्र बिउगु खः । नेवाः मुस्लिम समाजया नायः निशार उद्दिनं उगु मस्जिदयात व्यक्तिया नामय् मखुसें सार्वजनिक जुइमाः धकाः माग यानादीगु दु ।