डलर हिलेत कडाई

येँ – नेपाल राष्ट्र बैंकं डलर हिलेगु ज्या न्हापा स्वयां कडा याःगु दु । न्हापाया व्यवस्था स्वयां ६० प्रतिशत कम जक डलर हिले दइगु व्यवस्था सरकार राष्ट्र बैंकं याःगु खः । राष्ट्र बैंकं सरकार लिसे सम्बन्धित निकायपाखें श्रम स्वीकृत कयाः विदेश वनीपिं नागरिकयात २०० डलर तक हिले दइगु व्यवस्था याःगु खः ।

बैंकं मंगलवाः सम्बन्धित बैंक व वित्तस्य संस्थायात पौ च्वयाः अज्याःगु व्यवस्था यायेत निर्देशन बिउगु खः । थ्व स्वयां न्ह्यः विदेश वनीपिंत ५०० डलर तक हिलेगु व्यवस्था दुगु खः । अत्यधिक व्यापार घाटां यानाः भुक्तानी प्रणालीइ असन्तुलन जूगुलिं राष्ट्र बैंकं डलर हिलेगुली कडा याःगु खः ।