यलय् नं प्रहरी व मनपा दथुइ सम्झौता

यल – येँ महानगरपालिका व महानगरीय प्रहरी ज्याकू दथुइ अवधारणा साझेदारीइ जूगु सहमति लिपा आः यलय् नं यल महानगरपालिका व महानगरीय प्रहरी ज्याकू दथुइ समुदाय सहकार्य सम्बन्धी सम्झौता जूगु दु । महानगरपालिका ज्याकुथिइ जूगु सम्झौताय् यल महानगरपालिकापाखें प्रमुख चिरीबाबु महर्जन व महानगरीय प्रहरी ज्याकूया प्रमुख प्रहरी नायब महानिरीक्षक शैलेश थापां ल्हाःचिं तयादीगु खः ।

यल मनपा व प्रहरी ज्याकू दथुइ यल महानगरपालिका लागाय् शान्ति सुरक्षा कायम यायेगु विषयय् सम्झौता जूगु खः । सम्झौता पती ल्हाःचिं तयेगु ज्याझ्वलय् नवासें यल मनपाया प्रमख महर्जनं स्थानीय निकाय व प्रहरी दथुइ सहकार्य यानाः वनेबलय् थुकिं दिगो विकासया लक्ष्यय् थ्यंकेत ग्वाहालि याइ धयादिसें सम्झौता पती दुथ्यानाच्वंगु विषययात कार्यान्वयन यानायंकेमाःगु खँय् बः बियादिल ।

अथे हे महानगरीय प्रहरी ज्याकूया प्रमुख प्रहरी नायक महानिरीक्षक थापां आम जनताया दथुइ अपराध गुकथं जुइ, छाय् जुइ, विपदया इलय् गुकथं सुरक्षित जुइ सयेकेगु धइगु विषयय् निगू संस्था जानाः नागरिकयात सचेत याना वनेगु जुइ धयादिल ।

सम्बन्धित बुखँ

LEAVE YOUR COMMENTS