
येँ – महानगरीय अपराध महाशाखां येँया काभ्रेस्थलीपाखे छम्ह पुलांम्ह सैनिकया ५० लाख तका दां लुटपाट याःपिं
खुम्हेसित सार्वजनिक याःगु दु । सार्वजनिक याःपिं खुम्हेसिया पुचलं शुक्रवाः सुथय् बहुमुल्य धातु व दंगु भावय् जग्गा मीगु दु धकाः पुलांम्ह सैनिक बच्चुराम गुरुङपाखें ५० लाख तका लुटे याःगु खः ।
लुटेरातय्सं गुरुङ बहुमुल्य धातु न्यायेत तयार जुइवं थःपिं लिसे काभ्रेस्थली ब्वनायंकूगु खः । काभ्रेस्थलीया सुनसान थासय् थ्यनेवं उमिसं गुरुङया मिखाय् मल्चाचुं छ्वाकाः ध्यबा ज्वनाः बिसिउँ वंगु खः। थः लुटे जुइवं गुरुङं प्रहरीयात खबर याःगु खः । ज्वंपिंपाखें १८ लाख ७५ हजार ५०० तका दां बरामद याःगु दु । मेगु ध्यबा मोटरसाइकल न्यायेगु लिसें गर्लफ्रेन्ड चाहिकाः फुकेधुंकूगु खँ प्रहरीं धाःगु दु ।
ज्वंपिं भीमबहादुर घर्तीमगर, नकुर तामाङ, दावा छिरिङ, कुमारबहादुर बुढाथोकी, तेन्जिङबहादुर तामाङ व संजित वाइवा खः । ज्वंपिं थ्व स्वयां न्ह्यः नं थीथी आपराधिक घटनाय् लायेधुंकूपिं खः ।
LEAVE YOUR COMMENTS