संसद शुरु मजुयाः कांग्रेस हीमी चाल

येँ – सभामुख ल्ययेगु बारे सत्तारुढ पार्टीया आन्तरिक विवादं यानाः हिउँदे अधिवेशन शुरु जूगु लछि दयेधुंकाः नं संसदया बैठक च्वने मफुगु धासें याकनं सभामुख ल्ययेत प्रमुख प्रतिपक्षी कांग्रेसया सभापति शेरबहादुर देउवां धयादीगु दु । वय्कलं संसदयात बन्धक दयेके मजिउ धासें सत्तापक्षं याये मफुसा थःपिंसं संसद न्ह्याकेगु जुइ धकाः ख्याच्वः समेत बियादिल ।वंगु पुस ४ गते हिउँदे अधिवेशन आह्वान याःगु खःसा वयां लिपा स्वक्वः तक सुचं तिकाः संसदया बैठक स्थगित यायेधुंकूगु दु । मेगु बैठक माघ ६ गते न्हिनसिया १ बजे सःतातःगु दु ।

मेखे नेपाल कम्युनिष्ट पार्टी (नेकपा)या प्रवक्ता नारायण काजी श्रेष्ठं उपसभामुख शिवमाया तुम्बाहाम्फें राजीनामा बीगुया विकल्प मदुगु खँ धयादीगु दु । म्हिगः गोरखाय् पत्रकारतलिसे खँ ल्हासें वय्कलं उगु खँ धयादीगु खः । नेपाःया संविधान कथं छगू हे पार्टीं सभामुख व उपसभामुख जुइ मजिउ धासें उपसभामुखं राजीनामा बीधुंकाः जक नेकपां सभामुखया दावी याये छिनिगु जुयाः उपसभामुखं राजीनामा बीगु खँ नं वय्कलं कनादिल । वय्कलं धयादी, ‘वर्तमान उपसभामुख थम्ह हे नं सभामुख जुइगु खःसां नं दकलय् न्हापां राजीनामा बीमाः ।’

सम्बन्धित बुखँ

LEAVE YOUR COMMENTS