ने. सं. ११४६ चाैलागा चर्हे - मातातीर्थ चःह्रे

म्ह्याय् बलात्कार याःम्ह अुबयात ज्वन

येँ – थःहे म्ह्याय्यात बलात्कार याःगु द्वपनय् प्रहरीं छम्हेसित ज्वंगु दु । थःत अबुं पटक पटक बलात्कार याःगु धासें म्ह्याय्म्हं बिउगु उजुरीया आधारय् प्रहरीं थनया ग्वंगःबुँइ च्वनीम्ह मिजंयात ज्वंगु खः । प्रहरीया कथं ज्वंम्हेसित करणी सम्बन्धी कसुरय् अनुसन्धान यायेत न्हय्न्हुया म्याद थप याःगु दु । थः अबुलिसे बालं च्वनाच्वंम्ह नीनिदँया म्ह्याय्म्हं अबुया विरोधय् उजुरी बिउगु खः । प्रहरीया कथं अबुम्हेस्यां थम्हं यानागु अपराध स्वीकार यायेधुंकूगु दु ।