६६ क्वःगु राष्ट्रिय क्षयरोग नियन्त्रण दिवस हन

थिमि – नेपाल क्षयरोग निवारण संस्था ख्वप शाखां ६६ क्वःगु राष्ट्रिय क्षयरोग नियन्त्रण दिवस हन । संस्थां ‘क्षयरोग बारे जनचेतना ब्वलंके नु, क्षयरोग नियन्त्रणय् झी सकलें न्ह्यचिले’ धइगु नारा बियाः थीथी संघसंस्था, ज्याकू, ब्वनेकुथइ चेतनामूलक पर्चा व ब्याच इना बिउगु खः ।

संस्थाया सभापति राम सिख्वः, निवर्तमान सभापति बाबुकाजी श्रेष्ठ, सचिव राजेश्वरी शिल्पकार, सहसचिव लक्ष्मण सुजखु, दुजः रत्नलाल साद, कर्मचारी हिरण्यप्रताप सांगामि, शर्मिला शिल्पकारसहितया पुचलं वंगु आर्थिक दँय् संस्थां न्ह्याकूगु ज्याझ्वः व सकसिगुं कुतलं गंल्वचं कःपिं ल्वगितय् ल्याः म्हो जूगु शाखां न्ह्यथंगु दु ।

उगु इलय् हिमालय इं स्कुल ख्वपय् गंल्वय् सम्बन्धी जनचेतनामूलक छगू प्रशिक्षण ज्याझ्वः नं याःगु खःसा सचिव शिल्पकारं गंल्वय् व एचआईभी एड्स बारे जानकारी बियादीगु खः । दिवसया हे लसताय् जूगु स्वनिगःव्यापी विद्यालयस्तरय् जूगु च्वखँ धेधेंबल्लाः कासाय् मेधा माध्यमिक विद्यालयया ब्रदेश यादव न्हाप लाःगु नं जानकारी बिउगु दु ।

नेपालभाषा टाइम्स

च्वमिया मेमेगु

• चित्तरन्जन नेपालीयात लुमंकल
• मतया तार भूमिगत यायेगु ज्या बेवारिस
• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु