बाःहिति सामुदायिक सेवा केन्द्रय् न्हूगु ज्यासना पुचः

येँ – छाउनी बाहिति सामुदायिक सेवा केन्द्रया न्याक्वःगु साधारण सभा क्वचाःगु दु । मू पाहाँ कथं झायादीम्ह विघटित प्रतिनिधि सभाया सदस्य जीवनराम श्रेष्ठं ज्याझ्वलय् न्ववानादिसें त्वाःया विकासय् सेवा केन्द्रपाखें याःगु ज्याया प्रशंसा यानादिल ।

छाउनि म्युजियमय् लाःगु अतिक्रमित जग्गा संरक्षण यायेगु ज्याय् १५ वडालिसे जानाः सेवा केन्द्रं याःगु ज्यायात नं वय्कलं च्वयाछायादिल । अथेहे वय्कलं सांसद विकास कोषपाखें दयेके ज्या जुयाच्वंगु भुकम्प स्मृति पार्कया ज्या थ्वहे दँय् क्वचाइगु व उगु पार्कय् शारीरिक व्यायामया निंतिं माःगु सामानत नं तयेगु खँ धयादीगु खः ।

ज्याझ्वलय् विशेष पाहाँ कथं येँ महानगरपालिका १५ वडाया नायः ईश्वरमान डंगोल झायादीगु खः । सेवा केन्द्रया अध्यक्ष राजु महर्जनया सभापतित्वय् जूगु ज्याझ्वलय् सचिव रामप्रसाद पण्डितं प्रगति विवरण न्ह्यब्वयादीगु खः ।

सभाया झ्वलय् राजु महर्जनया अध्यक्षताय् न्हूगु ज्यासना पुचः नं नीस्वंगु खःसा । न्हूगु ज्यासना पुचलय् उपाध्यक्ष दिलकुमारी कार्की, सचिव गौतम डंगोल, कोषाध्यक्ष रुपा रञ्जितकार, दुजलय् निदेश प्रधान, उषाचन्द मास्के, सञ्जय महर्जन, महेशराम श्रेष्ठ व विकास महर्जन च्वनादीगु दु ।

सम्बन्धित बुखँ

LEAVE YOUR COMMENTS