मिस्टर एण्ड मिस नेवाः जुइगु

येँ – ह्याप्पी इन्टरटेन्मेन्ट एण्ड फेसन हाउसया ग्वसालय् मिस्टर एण्ड मिस नेवाः ११४० जुइगु जूगु दु । बुधवाः छगू पत्रकार सम्मेलन यासें हाउसया सिइओ दिया श्रेष्ठं मांभाय्यात तिबः बीगु ताः तयाः थुगु ज्याझ्वः यायेत्यनागु दावी यानादिल । मिस्टर एण्ड मिस धाःसां थुगु ज्याझ्वलय् ब्याहा यायेधुंकूपिंसं नं ब्वति कायेफइगु खँ वय्कलं धयादीगु दु ।

ज्याझ्वलय् न्हाप, लिउ व लियांलिउ लाःपिंत छसिकथं स्वीद्वः, नीद्वः व झिद्वः तकाया दां सिरपाः, मिस्तय्पाखे क्राउन व मिजंपाखे खुकुरी बीगु खँ नं पत्रकार सम्मेलन धाःगु दु ।

ज्याझ्वलय् १६ निसें ३० दँ दुपिं नेवाः मिस्तय्सं ब्वति कायेदइ । ज्याझ्वः नेवाः व अंग्रेजी भासं संचालन जुइगु खँ नं सिइओ श्रेष्ठं धयादीगु दु । थुकिया निंतिं येँ, यल व ख्वप अडिसन जुइसा मंसिर २० गते निसें ट्रेनिङ सुरु जुइ । ज्याझ्वःया ग्राय्ण्ड फाइनल राष्ट्रिय नाचघर जमलय् पुस ५ गते जुइगु खँ धाःगु दु ।