
येँ – अमेरिकाया नर्थ क्यालिफोर्निया राज्यय् च्वनाच्वंपिं नेवाःतय्सं नं न्हूदँया लसताय् भिंतुना कालबिललिसें मंकाः म्हपुजा याःगु दु । नेवाः अर्गनाइजेसन अफ अमेरिका (एनओए) नर्थर्न क्यालिफोर्नियाया ग्वसालय् उगु ज्याझ्वः जूगु खः । सान फ्रान्सिस्को बे–ऐरियाय् जूगु ज्याझ्वलय् मूपाहांकथं संघीय संसदया दुजःलिसें समाजवादी पार्टीया सह अध्यक्ष राजेन्द्रप्रसाद श्रेष्ठ झायादीगु खः ।
वय्कः थुगु हे ज्याझ्वलय् ब्वति कायेगु निंतिं छुं न्ह्यः अमेरिका झायादीगु खः । क्यालिफोर्निया राज्यय् च्वनाच्वंपिं आपालं नेपाःमिपिनिगु सहभागिता दुगु ज्याझ्वःयात कयाः वल्र्ड नेवाः अर्गनाइजेसनया केन्द्रीय दुजः राजेश श्रेष्ठं विदेशय् च्वनाः थुकथंया ज्याझ्वः यायेबलय् अमेरिकाय् च्वनाच्वंपिं नेपाःमितय् दथुइ थःगु भाषा, कला, संस्कृति ल्यंका तयेत व उकियात विदेशय् प्रवद्र्धन यायेत ग्वाहालि जुइगु ल्याखं याना वयाच्वनागु जानकारी बियादिल ।
अमेरिकाय् च्वंपिं नेवाःतय् संगठन एनओएया मेमेगु राज्यय् च्वंगु संगठनं नं न्हूदँया लसताय् थुकथंया ज्याझ्वः याना वयाच्वंगु दु ।
LEAVE YOUR COMMENTS