एहिपस्सिको बुद्ध विहारय् कथिन चीवर दान

येँ – येँया पूर्वी भेगय् लाःगु चन्द्रगिरि नगरपालिका वडा नं. ५ किपुल्चास्थित एहिस्सिको बुद्ध विहारय् वंगु विहीवाः महान कथिन चीबर दान ज्याझ्वः जुल । बुद्धपुजा व पंचशील ग्रहण यासें न्ह्याःगु कथिन चीवर दान ज्याझ्वलय् अखिल नेपाल भिक्षु महासंघया महासचिव भिक्षु कोण्डन्य महास्थविरं थेरवाद बुद्ध शासनय् चीजर दानया महात्म्यताया महत्व थुइका बिज्यासें धर्मदेशना बियाबिज्याःगु खः ।

धर्मदेशना लिपा कथिन चीवर दानया दाता थँहिति त्वाःया पुष्पकुमार (नाति) मानन्धर व तुलसीदेवी मानन्धरं भिक्षु महासंघयात अष्टपरिष्कार लिसें चीवर दान यानादीगु खः ।पुण्यानुमोदन क्वचायेवं दाता व वय्कःया छेँजःपिंपाखें भिक्षु महासंघ चीवर दान व अनागरिका गुरुमापिंत नं सहभागि उपासक उपासिकपाखें नं दान प्रदानया ज्याझ्वः जूगु खः ।

ज्याझ्वलय् विहारया प्रमुख भिक्षु पियदस्सीं दत्या न्ह्यः जक विहारया स्थापना जूगु व थ्व अवधिइ विहारय् निक्वःतक महान कथिन चीवर दान ज्याझ्वः जूगु कनाबिज्यात ।

लिसें वसपोलं निर्माणाधीन विहारलिक्कं याकनं हे श्रामणेर, भिक्षुणीपिंत बौद्ध शिक्षा अध्ययनया निंतिं भवन निर्माण यायेगु तयारी जुयाच्वंगु नं जानकारी बियाबिज्यात । चीवर दान ज्याझ्वः लिपा ज्ञानमाला भजन नं न्ह्यब्वःगु ज्याझ्वः स्वयां न्ह्यः बुद्धमूर्ति सहित सांस्कृतिक ¥याली नं पिदंगु खः ।

सम्बन्धित बुखँ

LEAVE YOUR COMMENTS