इटाली युरोकपय् छनोट

रोम – युरोकप फुटबलया निंतिं जूगु छनोट कासाय् इटालीं ग्रिसयात बुकल । ग्रिसयात बुकूगु इटालि आकिवं जुइगु युरोकपया निंतिं छनोट नं जूगु दु । थःगु हे घरेलु मैदानय् जूगु कासाय् ग्रिसयात २–० या गोल अन्तरं बुकाः इटालीं समूह ‘जे’पाखें २१ अंकलिसें युरो २०२० या निंतिं छनोट जुइत सफल जूग्ु खः । इटालीया निंतिं जोर्जिनो व बर्नारडेस्चीं छगू छगू गोल याःगु खः ।

उखे समूह एफया कासाय् स्पेन व नर्वें छगू छगू गोलया बराबारी म्हितल । थुगु कासाय् स्पेनया सर्जियो रामोस युरोपया गुगुं नं देय्या निंतिं दकलय् अप्वःकासा म्हितूम्ह कासामि जुइत सफल जूगु दु । आकिवं जुइगु युरोकप छनोट अन्तर्गत मेगु कासय् स्वीट्जरल्याण्डयात डेनमार्कं १–०, स्वीडेनं माल्टायात ४–० व रोमानियां फारो आइल्याण्डयात ३–० गोलं बुकल ।

नेपालं जोर्डननाप म्हितीगु विश्वकप छनोट अन्तर्गत नेपालं कन्हय जोर्डननापं म्हिततेत्यंगु दु । नेपालं विश्वकप छनोटया प्यंगूगु कासा जोर्डननाप म्हितेत्यंगु खः । वंगु विहीवाः अस्टे«लिया नापं बूगु नेपाली टिम जोर्डन थ्यंकः वनेधुंकूगु दु ।