कृषि विकास बैंकय् खुइगु कुतः

येँ –  कृषि विकास बैंकया कर्मचारीया आईडी छ्यलाः ध्यबा खुया काःपिं झिंनिम्हेसित प्रहरीं ज्वनाः सार्वजनिक याःगु दु । उमिसं भारतय् च्वनाः ध्यबा खुइगु योजना दयेकूगु खः । उमिसं ५ अर्ब तका ध्यबा खुइगु योजना दयेकूगु खँ प्रहरीं म्हिगः पत्रकार सम्मेलन यानाः धाःगु दु ।
काले धइम्ह पिटरया योजनाय् ध्यबा खुइगु ज्या जूगु खँ अनुसन्धानं खुले जूगु खः ।

ध्यबा खुइत उमिसं बैंकया स्वम्ह कर्मचारीया युजर आईडी छ्यलाः ४ करोड ६३ लाख तका ट्रान्सफर याःगु खः । ट्रान्सफर याःगु ध्यबा मध्ये ६० लाख तका ध्यबा लिकायेधुंकूगु खः । प्रहरीया कथं ध्यबा खुया कायेगु निंतिं उमिसं लहान शाखां कारोबार याःगु खनेदुगु खँ नं प्रहरीं धाःगु दु । एजेन्टया रुपय् छ्यःपिंत प्रहरीं ज्वंसां नं उकिया सूत्रधार सु धइगु खँ धाःसा प्रहरीं खुले याःगु मदुनि ।

ध्यबा खुइगु निंतिं योजनकार व एजेन्टया दुथुइ वीच्याटपाखे सम्बन्ध जूगु खः । योजनाकारं ध्यबा खुइगु निंतिं कृषि विकास बैंकय् खाता दुपिंत छ्वःगु खः । उमित १० निसें ३५ प्रतिशत तक कमिसन बीगु धकाः प्रलोभन क्यंगु खँ नं प्रहरीं धाःगु दु । बैंक कर्मचारीया युजर छ्यलाः ध्यबा ट्रान्सफर याःगुलिं कर्मचारीया मिलोमतो नं दुगु अनुमान प्रहरीं याःगु दु ।

योजनाकारतय्सं दकलय् न्हापां वंगु असोज ५ गते पानस रेमिटेन्सपाखें ६० हजार तका ध्यबा लिकाःगु खः । प्रहरी प्रमुख सहकुल थापाया कथं कृषि विकास बैंक लहान शाखां जक थीथी व्यक्तिया नामय् ४ करोड ७३ लाख तका ट्रान्सफर जूगु दु । ज्वपिं झिनिम्हेसिया नां नं प्रहरीं सार्वजनिक याःगु दु ।

नेपालभाषा टाइम्स

च्वमिया मेमेगु

• देेउवायात सेना पाखें रेस्क्यु ।
• उपप्रधानमन्त्री प्रकाशमान सिंहया चाक्सिबारीया छेँय् नं ताडफाेड यानाः च्याकाबिल
• प्रधानसेनापति अशाेक सिग्देलं ५ बजे सम्वाेधन याइगु धाःसां थुकिया पुष्टि जूगु मदुनि । सेनां थ्व सम्बन्धय् आःतक छुं न्ववाःगु मदुनि । बरु सेना सहित फुक्क सुरक्षा अंगया प्रमुखपिं व मुख्य सचिव एकनारायण अर्यालं छगू वक्तव्य पिकयाः संवादया माध्यमं समस्या ज्यंकेमाः धाःगु दु ।
• झलनाथ खनालया कलाः रविलक्ष्मी चित्रकारयात म्हय् मि तयाबिउगु समाचार वःगु दु ।
• पुलांम्ह राष्ट्रपति विद्यादेवी भण्डारीया छेँय् नं मि तयाबिउगु दु ।