नेमकिपाया महाधिवेशन क्वचाल बिजुक्छेँ हाकनं नायः

ख्वप – नेपाल मजदुर किसान पार्टी (नेमकिपा) या अध्यक्षय् हाकनं छक्वः नारायणमान बिजुक्छेँ रोहित हे सर्वसम्मतिं निर्वाचित जुयादीगु दु । वंगु असोज ४ गते निसें न्ह्याःगु पार्टीया न्हय्क्वःगु महाधिवेशनं बिजुक्छेँयात सर्वसम्मतं पार्टी अध्यक्ष ल्यःगु खः । नेमकिपाया सोमवाः क्वचाःगु महाधिवेशनं बिजुक्छेँया नेतृत्वय् नीन्याम्ह दुजः दुथ्याःगु केन्द्रीय समिति नं ल्यःगु दु ।

केन्द्रीय समितिइ निर्वाचित जुयादीपिं सकलें निर्विरोध निर्वाचित जुयादीगु खः । केन्द्रीय समितिइ प्रेम सुवाल, सुनिल प्रजापति, मोहनप्रसाद प्रजापति, डिल्लीप्रसाद काफ्ले, नवराज कोइराला व जग्गबहादुर शाही च्वनादीगु दु । अथे हे मेपिं दुजलय् सनकमान महर्जन, नन्दबहादुर शाही, बजिरसिंह विश्वकर्मा, नर्मा गुरुङ, नारायण महर्जन, सरोजराज गोसाई, उकेश कवां, खगेन्द्रबहादुर शाही, कृष्णकुमार बैद्य, अनुराधा थापामगरपिं निर्वाचित जुयादीगु दु ।

मेपिं दुजलय् कमलमैंया सुवाल, हरिसुन्दर बासी, राजवीर डंगोल, सुरेन्द्रराज गोसाई, सृजना सैंजू व सरोजकुमार शाहयात नं केन्द्रीय समितिइ ल्यःगु दुसा कृष्णबहादुर तामाङ व मुक्ति यादवयात बैकल्पिक केन्द्रीय दुजलय् निर्वाचित याःगु दु ।

सम्बन्धित बुखँ

LEAVE YOUR COMMENTS