एनसेलया फैसला विरुद्ध सरकार पुनरावलोकनय्

येँ – एनसेलं थःगु शेयर मिउगु वापत सरकारयात लाभकर पुलेमाः लाकि म्वाः धइगु विषयय् सर्वोच्च अदालतं याःगु फैसलाया विरुद्ध सरकार पुनरावलोकनय् वनीगु जूगु दु । ठूला करदाताया कार्यालयपाखें एनसेलं थःगु शेयर मिउगु वापत सरकारयात ६३ अर्ब ६२ करोड तका बराबरया लाभकर पुलेमाः धकाः दावी याना वयाच्वंगु खः ।

तर सर्वोच्च अदालतपाखें एनसेलं थुलिमछि कर पुलेमाःगु आवश्यकता मदु धासें सरकारं थःगु कर निर्धारणया ल्याःचाः मेकथं यायेत आदेश बिउगु खः । सर्वोच्चया थ्व फैसलापाखें सरकारयात अर्बौं तकाया नोक्सानी जुइगु जूगुलिं सरकारं थुकिया विरुद्ध पुनरावलोकनय् वनेगु धकाः निर्णय याःगु खँ संसदय् सत्ता पक्षीय सचेतक देव गुरुङं कनादीगु दु ।

सर्वोच्च अदालतं याःगु थ्व फैसलाया विरुद्ध सदनय् थौंकन्हय् न्हिंन्हिं धइथें सः पिहां वइगु जुयाच्वंगु दु । गुलिखे सांसदतय्सं सरकारयात नोक्सानी याइकथं फैसला न्यंकीपिं न्यायाधीशतय् विरुद्ध महाभियोग तयेमाः धकाः तकं माग यायेगु यानाच्वंगु दु ।

सम्बन्धित बुखँ

LEAVE YOUR COMMENTS