जसपा नं भंग यायेत सर्वोच्चय् रिट दायर

येँ – तत्कालीन एमाले व माओवादी केन्द्र एकीकृत जुयाः निर्माण जूगु नेकपा (नेकपा) भंग जुयाः पुलांगु हे अवस्थाय् लिहां वं थें आः तत्कालीन समाजवादी व राजपा एकीकृत जुयाः गठन जूगु जनता समाजवादी पार्टी नं भंग यायेमाःगु माग जूगु दु । थ्व माग यासें म्हिगः सर्वोच्च अदालतय् छगू रिट लाःगु दु । पुलांगु राजपाया उपाध्यक्ष राजकुमार थापां म्हिगः सर्वोच्चय् थ्व रिट दायर यानादीगु खः । समाजवादी व राजपाया एकता शुरुंनिसें हे त्रुटिपूर्ण जूगु खः धासें वय्कलं थ्व पार्टी भंग यानाः पुलांगु हे अवस्थाय् लित छ्वयेत माग यासें रिट दायर यानादीगु खः । पार्टी पुलांगु हे अवस्थाय् लिहां मवंतले पार्टीया राजनीतिक क्रियाकलाप, सदस्य हिलाबुला आदि थेंज्याःगु ज्याखँ यथास्थितिइ तयेत नं माग यानातःगु दु ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत