आसकुति स्वःपिं झण्डै प्यद्वः

यल(नेपालभाषा टाइम्स)÷ ज्यापु समाज यलया हलय् छवाःयंकं नेपालभाषाया संकिपा आसकुति क्यनेज्या जुल । वंगु असार १८ निसें २५ गते छवाःतक न्हिं स्वंगू शो क्यनेज्या जूगु खः ।

आयाम फिल्म्सया ब्यानरय् निर्माण जूगु संकिपा स्वयेत स्वनिगःलिसें जःखःया थासं तकं गाडी हे रिजर्भ यानाः वःगु निर्माण पक्षं जानकारी बिउगु दु ।
छवाःया दुने करिब ३६०० नं प्याखं स्वःगु खःसा ज्याःजक्वं क्वचायेधुंकूपिं ज्येष्ठ नागरिकयात निःशुल्क रुपं संकिपा क्यंगु खः । छवाःया दुने ज्याःजंक्व क्चचाःपिं २० प्रतिशतं संकिपा स्वःगु खःसा ५० प्रतिशतं मल्याक स्वकुमिपिं मिसापिं जूगु खँ निर्माण पक्षं धाःगु दु ।

संकिपा क्यनेज्या जूगु थासय् हे वयाः टिकट कयाः संकिपा स्वःवःगुलिं तसकं उत्साहित जूगु खँ निर्देशक सुरेन्द्र तुलाधरं कनादिल ।

आयाम फिल्म्सया निर्देशकलिसें संकिपाया निर्माता बुलाल महर्जनं आपालं स्वकुमिपिं वःगुलिं संकिपा निर्माण सफल जूगु खँ कनादिल ।

नेपालभाषाया नांजाःपिं कलाकार सुरज व्यञ्जनकार, कृष्णा श्रेष्ठ, रोजिना सुवाल, सुरज नापितया मुख्य भूमिका दुगु संकिपाय् राजाराम भाम, कृष्णभक्त महर्जन, नगिना जोशी, अकल महर्जन लगायतं अभिनय यानादीगु दु ।

छवाःयंकं प्याखं क्यनेगु ज्याया संयोजन संकिपाया मुख्य कलाकार सुरज व्यञ्जनकारं यानादीगु खः  ।

सम्बन्धित बुखँ

LEAVE YOUR COMMENTS