जगतसुन्दरयात कासा व सांगीतिक ज्वलं लःल्हात

येँ –  जगतसुन्दर ब्वनेकुथियात थनया रविभवनय् च्वंगु निगर्स बाटिका स्कुलं थीथी कासा सम्बन्धी व सांगीतिक हलंज्वलं लःल्हात । निगर्स बाटिकाया प्रिन्सिपल कामना रेग्मी ब्वनेकुथियात उगु ज्वलं लःल्हानादीगु खः । प्रिन्सिपल रेग्मीं ब्वनेकुथिया ब्वनामिपिं मेमेगु ब्वनेकुथिया ब्वनामिपिं थें हे कासा व संगीतया ख्यलय् नं न्ह्यःने वनेमा धइगु ल्याखं थःपिंसं ब्वनेकुथियात उगु हलंज्वलं लःल्हानागु खः धयादिल ।

निगर्स बाटिकां थगुने नं ब्वनेकुथियात थुकथंया हे थीथी ज्वलं लःल्हाःगु खःसा थुगुसी बाटिकाया ब्वनामिपिं ब्वनेकुथिइ हे वयाः सहकार्य यायेगु ज्या नं न्ह्याकूगु खः । निसर्ग ब्वनेकुथिं कासा सम्बन्धी ज्वलंलिसें सांगीतक ज्वलनय् धिमे, भुस्याः, नाय्खिं व छुस्याः लःल्हाःगु खः ।

उगु इलय् निगर्स वाटिकापाखें प्रिन्सिपल रेग्मी नापं उषा जोशी व संदिप लोहनीपिनिगु नं उपस्थिति दुगु खः ।सांगीतिक ज्वलं संगीतया विद्यार्थी व कासा सम्बन्धी ज्वलं कासाया विद्यार्थीपिंत लःल्हाःगु खः ।

सम्बन्धित बुखँ

LEAVE YOUR COMMENTS