येँया चन्द्रागिरीइ हानं छम्हेसित कोरोना, संक्रमितत २५०म्ह थ्यन
येँ – येँ नापं देय्या थीथी थासय् थप ७म्हेसित कोरोनाया संक्रमण जूगु दु । येँया चन्द्रागिरी नगरपालिकाय् च्वनीम्ह ३२दँया मिजंयात बिहीवाः कोरोनाया संक्रमण जूगु पुष्टि जूगु दु । निन्हु न्ह्यः जक चन्द्रागिरी नगरपालिकाया मच्छेगाँमय् च्वनीम्ह ३३दँया मिसायात संक्रमण जूगु खः ।
थ्व नापं बिहीवाः हे कपिलवस्तुया ६दँया मिसा मचा, सर्लाही धान्कौल नगरपालिकाया ४५दँया मिजं, धनुषा जनकपुर नगरपालिका व मिथिला नगरपालिकाया ४०दँया मिजं व २० दँया मिसायात नं संक्रमण जूगु दु ।
अथेहे महोत्तरी जलेधर नगरपालिका व वलवा नगरपालिकाय् च्वनीपिं १६ व ३५दँया मिजंतय्त संक्रमण जूगु पुष्टि स्वास्थ्य तथा जनसंख्या मन्त्रालयं याःगु दु ।
नेपालय् कोरोना भाइरसपाखें संक्रमतितय् ल्याः २५०म्ह थ्यंगु दु ।
LEAVE YOUR COMMENTS