ने. सं. ११४६ तछलाथ्व दशमी -

बाग्लुङय् ६म्हेसित कोरोना जूगु पुष्टि

येँ – बाग्लुङय् ६म्हेसित कोरोना भाइरसया संक्रमण जूगु पुष्टि जूगु दु । गण्डकी प्रदेश कोरोना नियन्त्रण तथा रोकथाम ज्याझ्वःया निर्देशक डा. विनोद बिन्दु शर्मां संक्रमणया पुष्टि यानादीगु खः ।

बाग्लुङ जिल्लाया बढीगाड गाँउपालिका स्थायी छेँ दुपिं तर उगु हे पालिकाय् क्वारेन्टाइनय् च्वनाच्वंपिं १९ व २०दँया मिजंतय्त संक्रमण जूगु खः । अथेहे तमनखोला गाँउपालिका स्थायी छेँ जूसां क्वारेन्टाइनय् दुपिं २१, २७, २७ व २९दँया मिजंतय्त संक्रमण जूगु खः । संक्रमिततय्त अस्पतालय् यंकेगु तयारी जुयाच्वंगु खँ डा. शर्मां जानकारी बियादीगु दु ।

संक्रमित फुक्कं छुं दिं न्ह्यः जक भारतं वःपिं खः । भारत लिहांवयेधुंकाः तप्यंक क्वारेन्टाइनय् च्वनाच्वंपिंत याःगु पीसीआर परीक्षणय् संक्रमण खनेदुगु खः ।