जनकविपाखें सम्पदा लडाइँया पितब्वज्या
येँ – पत्रकार दामोदर न्यौपानें च्वयादीगु ‘सम्पदा लडाइँ’ नांया सपूm जनकवि दुर्गालाल श्रेष्ठं पितब्वज्या यानादिल । विश्व सम्पदाया धलखय् दुथ्यानाच्वंगु थनया बसन्तपू दबुलिइ जूगु ज्याझ्वलय् जनकवि श्रेष्ठं उगु सपूm पितब्ज्या यानादीगु खः । सपूm पितब्ज्या यानादिसें जनकवि श्रेष्ठं देय्या सम्पदा संरक्षणया संघर्षय् जुयाच्वंपिनिगु निंतिं उगु सपूm ब्रम्हास्त्र थें हे जुइगु विश्वास प्वंकादिल ।
सम्पदा संरक्षणया अभियानय् न्ह्यचिलाच्वनादीम्ह नापं उकिया निंतिं विशिष्ट योगदान नं बिया वयाच्वनादीम्ह रवीन्द्र पुरीं सम्पदा धइगु छु खः व छाय् उकिया संरक्षण यायेमाः धइगु बारे जानकारी बीगु उद्देश्यं उगु सपूm पिहां वःगु खः धासें सफुतिइ च्वमिं ऐन, सन्धि व ऐतिहासिक दस्तावेजपाखें प्रमाणिकरण जूगु सम्पदा सम्बन्धी तथ्ययात न्ह्यब्वयेत सफल जूगु विचाः प्वंकादिल ।
सपूmया च्वमि न्यौपानें झीगु सम्पदा झिगु निंतिं अतिकं बहुमूल्य जू धासें सम्पदा धइगु समुन्नतिया प्रतीक व राष्ट्रिय म्हसीकाया संवाहक जूसां उपेक्षित जुयाच्वनेमाःगु व थथे छाय् जुयाच्वन व आः वइगु दिनय् उकियात संरक्षण यायेत छु छु खँय् ध्यान बिया वनेमाः धइगु खँ दुथ्यानाच्वंगु जानकारी बियादिल । उगु सपूm ५११ पृष्ठया खःसा सपूmयात सांग्रीला बुक्सं बजारय् हःगु खः ।
LEAVE YOUR COMMENTS