खाइप्वःचाय् पथरी
खाइप्वःचा (पित्तथैली)य् पथरी थाइगु छगू साप हे सास्ति जुइगु समस्या खः । ८० प्रतिशत पथरी कोलेस्ट्रोलं हे दयावइगु खः । पित्त लीभरय् दयावइगु खः, अले थ्व दक्वं खाइप्वःचाय् मुंवनीगु खः । थ्व पित्तं दाः व चिल्लो दुगु नसा पचय् यायेत ग्वाहालि याइ । तर पित्तय् कोलेस्ट्रोल व बिलरुबिनया मात्रा अप्वः जुलकि पथरीया निर्माण जुइ । पित्तया पथरीयात घरेलु उपचार यानाः लायेकेफइ ।
पासि ः पासि पथरीया निंतिं तसकं फाइदा दुगु फल खः । अमेरिकन मेडिकल एसोसियसनया कथं थ्यंमथ्यं ८० प्रतिशत पित्तय् पथरी कोलेस्ट्रोल निर्माण जुयाः जुइगु खः । पासिइ पेक्टिन दइ । थुकिं पथरीयात अःपुक फ्लसआउटया निंतिं कोलेस्ट्रोलं जायाच्वंगु पथरीयात चिनाबी ।
चुकन्दर, तुसि व गाजरया रस ः खाइप्वःचित सफा यानातयेत व बल्लाकातयेत अले लीभरयात सफा यानातयेत चुकन्दरया रस, तुसिया रस व गाजरया रस उलि उलि हे मात्राय् कयाः ल्वाकछ्यानादिसँ । थुगु संयोजनं छितः प्वाः व हि सफा यायेत नं ग्वाहालि याइ । तुसिइ दुगु उच्च लःया ज्वलं व गाजरय् भिटामिन सीया उच्च मात्रा दुगुलिं उकिं च्वप्वःचाय् मुनाच्वंगु विषाक्त पदार्थ पितछ्वयाबी ।
नवःघाँय् ः नवःघाँसय् टेरपेन नांगु प्राकृतिक तत्व दइ, गुगु पित्तय् पथरी नायेका यंकेगुली नांजाः । थ्व पित्तं प्रवाह व मेमेगु पाचक रसयात उत्तेजित याइ, अथे जुयाः थुकिं पाचनय् नं ग्वाहालि जुइ । पित्तया पथरीया निंतिं घरेलु उपायया रूपय् नवःघाँय्या च्या भपियादिसँ ।
कागतिया रस ः कागतिया रस प्राकृतिक रूपं पाउँसे च्वनी, थुकिं एसिड थें ज्या याइ, अले लीभरय् कोलेस्ट्रोल दयेकेबीमखु । न्हिं न्हिं खालि प्वाथय् प्यंगः कागतिया रस त्वनादिसँ । थथे छवाःतक यानाच्वनादिसँ । थुकिं पथरीया समस्या अःपुक हे ज्यंकी ।
ह्याउँगु ग्वारामल्ता ः सन् २०१३ य् जूगु छगू अध्ययन कथं म्हय् भिटामिन सी गाक्क दयाच्वन धाःसा उकिं पथरीया समस्या कम याइ । छगः ह्याउँगु ग्वारामल्ता (क्याप्सिकम) य् थ्यंमथ्यं ९५ मिलिग्राम भिटामिन सी दइ । थ्व मात्रा पथरीयात पनेत कुगाः । अथे जूगुलिं थःगु आहारय् ग्वारामल्ता नं दुथ्याकादिसँ ।
वाइन ः शोधकर्तातय्सं लुइकल कि बागू गिलास वाइनं पित्तया पथरीया हमलायात लगभग ४० प्रतिशत तक कम यायेफइ । अथे जूगुलिं छगू गिलास वाइन थःगु दिनचर्याय् दुथ्याकादिसँ, तर उलि अप्वः चाहिँ मखु ।
चु मबूगु अन्न ः लखय् घुलनशील फाइबरयुक्त खाद्यपदार्थ, गथेकि ः चु मबूगु अन्न व मेमेगु अन्न थःगु आहारय् प्रशस्त दुथ्याकादिसँ । फाइबर कोलेस्ट्रोल व ट्राइग्लिसिराइडया स्तरयात कम यानाः स्वाभाविक रूपं पथरीया निर्माण जुइगु प्रक्रियायात पनाबी ।
LEAVE YOUR COMMENTS