शेर्पा मलय् एप्पलया फ्रि सर्भिस क्याम्प

येँ – एप्पल उत्पादन आइफोन, म्याकबुक, आइम्याक, आइप्याडया निंतिं फ्रि सर्भिस क्याम्प जुयाच्वंगु दु । एप्पलया अधिकृत वितरक व सर्भिस सेन्टर जेनेरेशन नेक्स्ट कम्युनिकेशन प्रा.लिं शेर्पा मलय् थ्व क्याम्पया ग्वसाः ग्वःगु खः । वंगु भदौ १५ निसें न्ह्याःगु थ्व क्याम्प भदौ २० गते तक जुइ ।

आइफोनया ग्राहकतय्सं शेर्पा मलय् चवंगु सर्भिस सेन्टर जेन नेक्स्टपाखें निःशुल्क सर्भिस सुविधा कायेफइगु खँ धाःगु दु । थ्व क्याम्पय् आइफोन क्यंपिं एप्पलया प्रयोगकर्तातय् निंतिं नं जेनेरेशन नेक्स्टं छगू अफर नं हःगु दु । थ्व अफर कथं पुलांगु आइफोनपाखें न्हूगु आइफोनय् ब्याकअप ट्रान्सफर सुविधा, सफ्टवेयरलिसे सम्बन्धित फुक्कं समस्याया समाधान यायेगु व आइफोन दुनेया डस्ट क्लिनिङ्ग थेंज्याःगु सुविधा कायेफइ ।

जेनेरेशन नेक्स्टया प्रबन्ध निर्देशक पवन भिमसरीयां आधिकारिक आइफोन न्यानातःपिं ग्राहकतय्त सुविधा बीगु निंतिं थ्व क्याम्पया ग्वसाः ग्वयागु खँ धाःगु दु । वय्कलं धयादीगु दु, ‘जिमिसं ग्राहकतय्त न्हून्हूगु सुविधा बियाच्वनागु दु । नेपालय् अझ नं जेन्युन प्रडक्टया बारे जानकारी मदु ।

उकिं आधिकारिक विक्रेतापाखें न्याःगु आइफोनय् जक फ्रि सर्भिस क्याम्पय् सुविधा कायेफइ । अवैध रुपं आइफोन मीपिंसं नेपालय् रिफर्बिस्ड यानातःगु एप्पल आइफोन हयाः ग्राहकतय्त न्हूगु धकाः मियाः ठगे यानाच्वंगु दु ।’वय्कलं आइफोनया प्रयोगकर्तातय्त थःम्हं ज्वनाच्वनागु आइफोन आधिकारिक खः कि मखु धयागु सीकेत जनेनेक्स्टया वेबसाइटय् वनाः आइफोनया आइएमइआई स्वयेत नं इनाप यानादीगु दु ।

जेनेरेशन नेक्स्टं मोहनिया लसताय् आइफोन खरिदकतातय् निंतिं स्क्य्राच कुपन नं बिइगु जूगु दु । स्क्य्राच कुपन सेप्टेम्बर १० निसें नोभेम्बर १० तारिख दुने आइफोन न्याःपिं ग्राहकतय्सं कायेफइ ।