ने. सं. ११४६ बछलागा नवमी -

ख्यालि न्हिली

फ्वगिं ः साहुजी, छिं न्हापा १०, २०, ५० तका ध्यबा बियादीगु खः। आः धाःसा छिं १, २, ५ स्वयां अप्वः बियामदी छाय् थें ?
साहु ः न्हापा जि याकःचा जक खः, आः ला जि ब्याहा जुइधुंकल नि सा !
फ्वगिं ः अरे वाह ! जिमिगु ध्यबां छिं कलाःलिसें मोज यानादीम्ह जुल का मखुला अय्सा ।
ह्ह्ह्
कलाः ः छिकपिनि पासां लसिं थें ज्याःम्ह मिसालिसे इहिपा यायेत्यन हँ ! छि वनाः व इहिपायात पनादिसँ ले !
भाःत ः जिं छाय् पनेगु ? छु धकाः पनेगु ? छु व दुष्टं जिं इहिपा यायेत्यनाबलय् पं वःगु दु ला ?
ह्ह्ह्
शिक्षिका ः मस्त, यदि छिमिसं थःगु भविष्य बांलाकेगु खःसा दक्वं ‘मिस’पिंत थः मां भाःपिउ ।
राजु ः मिस, अथे खःसा जिमिगु भविष्य ला बांलाइ धायेका । तर जिमि बाःया क्यारेक्टर ला खराब मजुइला ???