कमब्याकया तयारी

छगू इलय् बलिउड अभिनेत्री करिना कपुर थःगु करियरया उत्कर्षय् थ्यनाच्वंगु ई । थ्व हे इलय् वं अभिनेता सैफ अली खाननाप इहिपा यात । सैफलिसे इहिपा यायेधुंकाः संकिपा ख्यःयात त्वःताः पारिवारिक जीवनय् हे ई छ्यात । वयां लिपा काय तैमुरया सुसाःकुसाः यायेगुलिइ हे अप्वः ई बीगु यायेवं वं बलिउड संकिपा ख्यःयात चट्ट हे ल्वःमंकल धाःसा छुं पाइमखु ।

आः धाःसा करिनां हाकनं पुलांगु हे लयय् लिहां वयेगु सुरसार यानाच्वंगु दु । करिनां ‘अंग्रेजी मिडियम’ नांया इरफान खानया संकिपापाखें बलिउडय् कमब्याक’ यायेगु तयारी यानाच्वंगु दु ।

मिसा प्रहरी अधिकृतया भूमिकाय् खने दयेकः वयेत्यंम्ह करिनां न्हापांखुसी इरफान खानलिसे म्हितेत्यंगु खः । संकिपाया छायांकन थौंकन्हय् लन्डनय् धमाधम जुयाच्वंगु दु । उकिया निंतिं करिना नं लन्डनय् वनाच्वंगु दुसा थ्व हे झ्वलय् फिल्म युनिटं करिनाया ‘फस्ट लुक’ सार्वजनिक नं याःगु दु ।

सम्बन्धित बुखँ

LEAVE YOUR COMMENTS