ने. सं. ११४६ चाैलाथ्व पुन्हि - ल्हुति पुन्हि / बालाजु बाइसधारा मेला

प्राइमय् नारायणदास मानन्धरं त्वःतल

येँ – प्राइम कमर्सियल बैंकय् सञ्जिब मानन्धरयात निमित्त प्रमुख कार्यकारी अधिकृत (सिइओ) नियुक्त याःगु दु । प्राइमया सिइओ नारायणदास मानन्धर नेपाल राष्ट्र बैंकया न्हूगु व्यवस्था कथं स्वतः अवकाशय् वंगुलिं सञ्जिब मानन्धरयात निमित्त प्रमुखया जिम्मेवारी बिउगु खः ।

केन्द्रीय बैंकं वंगु सोमवाः न्ह्यव जक सिइओ जुइपिनि उमेरया हदबन्दी ६९ दँ तक यासें ६५ दँ च्वय्यापिंत सिइओय् नियुक्ती बीमदइगु यानाबिउगु खः । केन्द्रीय बैंकया न्हूगु निर्देशन वयेवं प्राइमया स्थापनाकाल झिंनिदँ न्ह्यवनिसें बैंकया नेतृत्व याना वयाच्वनादीम्ह मानन्धरं बैंक त्वःतेमाःगु खः ।

वय्कःयात वंगु शुक्रवाः हे जक थप प्यदँया निंतिं सिइओ नियुक्त याःगु खः ।बैंकं आः सञ्जिब मानन्धरयात निमित्त बिउगु खःसा याकनं हे न्हूम्ह सिइओ नियुक्त याइगु खँ सीदुगु दु । प्राइमं आः बैंक दुनें हे न्हूम्ह सीइओ नियुक्त यायेफु धाःगु दु ।