रेनाे गाडीया एक्सचेञ्च मेला

येँ – रेनाे गाडीं देय्न्यंकं एक्सचेञ्ज अफर सुरुयाःगु दु । रेनोया आधिकारिक वितरक एडभान्स अटोमोबाइल प्रालिं ‘रेनो क्याप्चर कार्निभल’ नामं देय्न्यंकं एक्सचेञ्ज मेला सुरु याःगु खः । मंगलवाः निसें न्ह्याः थ्व मेला श्रावण २९ गते तक न्ह्याइ । थ्व मेलाय् रेनोया क्याप्चर, क्विड, डस्टर व लजी मोडलया गाडी एक्सेञ्च यायेफइ धाःगु दु ।

थ्व मेलाय् एक्सचेञ्च याःपिं ग्राहकतय्त ३ लाख बराबरया एक्सचेञ्च बोनस अफर, निदँया निंतिं फ्रि सर्भिसिंग, छगू आर्थिक दँया सतक कर निःशुल्क, स्पट फाइनान्सया व्यवस्था, तुरुन्त मुल्यांकन जुइगु सुविधा बियातःगु दु ।

कार्निभलया इलय् ग्राहकतय्त एक्सचेञ्जया माध्यमं न्हू पुस्ताया कार बारे जानकारी बीगु लिसें उत्कृष्ट ड्राइभिङया आनन्द बीगु खँ धाःगु दु ।