बलिउड त्वःतेत तयार दु

बलिउड नायिका क्याट्रिना कैफं हालय् जक थःगु बुन्हि हंगु दु । क्याट्रिनां थःगु ३६ दँ बुन्हि हंगु खः। आतक नं इहिपा मयासे च्वंच्वंम्ह क्याट्रिनाया आपालं समकालीन नायिकातय् इहिपा जुइधुंकूगु दु । दीपिका पादुकोण, प्रियंका चोपडा, अनुष्का शर्मा लगायतया नायिकां इहिपा यायेधुंकूगु दु । तर क्याट्रिनां आतक नं इहिपायाःगु मदुनि ।

क्याट्रिनायात यक्वसिनं ‘आः इहिपा यायेगु पाः छंगु मखुला ?’ धकाः न्ह्यसः नं तयेगु यानाच्वंगु दु । उकिया लिसलय् क्याट्रिनां बीगु यानाच्वंगु लिसः थ्व दु कि ‘इहिपा ला यायेत्यल । तर जिगु निंतिं ल्वःम्ह मिजं हे मदु । आः धयादिसँ जिं सुनाप इहिपा यायेगु ?’

क्याट्रिनां थःत नं इहिपा याये मं दुगु धासें यदि थःत माया याइम्ह भाःत दइगु खत धाःसा बलिउड फिल्म उद्योग हे त्वःतेत नं तयार दुगु खँ धाःगु दु । वयागु धापू दु, ‘यदि जितः वास्तविक मतिना याइगु जुल धाःसा जिं वयागु निंतिं बलिउड त्वःतेत नं तयार दु ।’ क्याट्रिनाया नां वयागु फिल्म करिअरया शुरुया दिनय् नायक सलमान खानलिसे स्वानाः वयाच्वंगु खः ।